Një Filxhan Luks- kundër stresit dhe ankthit

Kur jeton me ankth për një kohë të gjatë, tensioni të kthehet në normalitet. Nuk e vëren më frymëmarrjen e cekët, shpatullat e ngritura, mendimet që nuk ndalen. Një zhurmë e ulët në sfond, që mësohesh ta quash “kështu jam unë”.

Ndjenja e ankthit është një pjesë normale e jetës. Por çrregullimet e ankthit përfshijnë më shumë sesa shqetësime të përditshmërisë. Për njerëzit me çrregullime emocionale, anthi ndihet në thuajso çdo situatë dhe mund të përkeqësohet me kalimin e kohës.

Ilaçet për ankthin mund të krijojnë varësi. Për këtë arsye, mjekët janë shumë të rezervuar. Kjo na detyron të kërkojmë “komfort “shpëtim” në mënyra të tjera, ndonëse jo gjithmonë efektive.

Meditimi
Gjumi i rregullt
Ushqim i shëndetshëm
Aktivitet fizik
Ekspozim në diell
Mbajtja e ditarit
Fitoterapi
Reduktim i kafeinës (për ata qe se kanë nevojë jetike😅)

FITOTERAPIA

Fitoterapia është përdorimi i bimëve mjekësore për qëllime shëndetësore dhe terapeutike.

Fitoterapia përfshin:

Suplemente me bazë bimore
Çajra bimorë (kamomil, livando, mente etj.)
Ekstrakte bimore
Tinktura
Vajra esencialë

Bimët mjekësore përmbajnë substanca aktive natyrale që ndikojnë në trup, duke qetësuar sistemin nervor, ulin inflamacionin, ndihmojnë tretjen dhe ndikojnë pozitivisht në gjendjen emocionale.

Përzierja e fitoterapisë me aromaterapinë është një filxhan mrekullibërës.

Dhe ndoshta përbërja më magjike ndër të gjitha këto bimë është përzierja e livandos me kamomilin. Vetitë relaksuese të kamomilit janë botërisht të njohura, por përzierja e tij me livandon krijon një mrekulli të vërtetë qetësuese. Përveç cilësive të saj aromatike, livandoja ka një gamë të gjerë përfitimesh medicinale, si qetësimi i sistemit nervor, lehtësimi i stresit dhe relaksimi i sistemit tretës.

Bashkimi i fitoterapisë me aromaterapinë shndërrohet kështu në një filxhan mrekullibërës — një moment i vogël ku trupi qetësohet dhe mendja relaksohet tërësisht.🪻💛

Por njerëzit që përfitojnë më së shumti nga kjo recetë magjike, shpesh mbartin disa ndjeshmëri të veçanta:

Ke sistem nervor tejet të ndjeshëm

Je e ndjeshme në një mënyrë të bukur.
Vëren ndryshimet e vogla, ato që të tjerët shpesh i anashkalojnë.
Reagon ndaj toneve të zërit, aromave, atmosferës, më fortë se shumica e njerëzve.

Je një romantike e pashpresë

Vlerëson gjërat e vogla.
Shijon avullin aromatik që ngrihet nga filxhani.
Dritën e ngrohtë të qirinjve në mbrëmje.
Kënaqësinë e thjeshtë të momentit.
Të mjafton një moment i vogël, i veçantë, për ta kthyer një çast në kujtim.

Të pëlqen “Luksi i Heshtur”

Përzierja e kamomilit me livando nuk është e fortë si çajrat e tjerë.
Nuk ka aromën e tyre të mprehtë.
Është e butë, floreale, e ëmbël, me një ndjesi të veçantë vintazhi klasik.

Ja pse ky çaj është kaq i mahnitshëm:

🪻Ndihmon sistemin nervor të marrë frymë thellë

Të dyja këto bimë, si kamomili edhe livando, veprojnë mbi sistemin GABA në tru (rruga e neurotransmetuesit që qetëson). Kjo do të thotë: muskujt relaksohen, mendimet ngadalësohen, tensioni i mbledhur në sfond shpërbëhet.

Është sikur të ulësh volumin e botës përreth me 30%.

🪻Përzierja e bimëve bio/të freskëta:

Kur bimët që do përdoren për çaj janë të freskëta, vajrat e tyre esencialë janë më aktivë dhe aroma më e fortë- shkon direkt në sistemin limbik (qendra jonë e emocioneve).

Pra ajo ndjesia “wow” është pjesërisht neurokimike + magji aromatike.

🪻Nxehtësia e çajit = sinjal sigurie për trupin dhe mendjen

Pijet e nxehta aktivizojnë sistemin nervor parasimpatik. Trupi e interpreton nxehtësinë si: “Jam i sigurt. Jam i ushqyer. Nuk ka rrezik.” Ndoshta tani e kupton pse banja jote kthehet ne sauna sa herë bën dush! 😜

Është mënyra më e mirë për të lëshuar tensionin që trupi ka mbajtur gjatë ditës.

Thënë shkurt dhe thjesht, efekti i çajit me kamomil dhe livando vjen nga kombinimi i mrekullueshëm i fitoterapisë me aromaterapinë.