Kjo pije ideale e verës është e shëndetshme dhe mjaft e lehtë për t’u përgatitur – plotë me vitamina, minerale dhe një shije të mahnitshme.

Çfarë është Matcha?

Matcha është një çaj jeshil pluhurizuar i cili përmban 137 herë më shumë antioksidantë sesa çaji jeshil.

Tradicionalisht është konsumuar ndër shekuj si pjesë e ceremonive japoneze të çajit.

Matcha është bërë më i njohur dhe popullor vitet e fundit dhe tani shijohet në mbarë botën në pije dhe ushqime të ndryshme, si çaji latte, smoothie, ëmbëlsira, snacks edhe më shumë!

Hulumtimet tregojnë se çaji jeshil ndihmon në shëndetin mendor dhe ka efekte antikancerogjene, anti-diabetike si dhe anti-inflamatore.

Dhe tashmë është e vërtetuar se matcha është edhe më e fuqishme sesa çaji jeshil!

Mbi të gjitha, matcha është një zëvendësues perfekt për dashamirësit e kafesë, pasi përmban më pak kafeinë (duke mos shkaktuar nervozizmin dhe ankthin tipik) dhe është i pasur me vitaminë C, aminoacide dhe një mori antioksidantësh të tjerë tejet të shëndetshëm.

Benefitet e mrekullueshme të çajit Matcha

Nëse po përballesh me lodhje, stres, ndryshime hormonale, matcha është një ndër pijet më të mira për ne gratë dhe vajzat:

1. Balancon hormonet – Matcha është plot me antioksidantë që ndihmojnë në uljen e inflamacionit dhe stresit. Mund të ndihmojë në stabilizimin e hormoneve, sidomos gjatë periudhës para menstruale.
2. Jep Energji pa ankth – Përmban kafetinë, por gjithashtu edhe L-theaninë, e cila qetëson sistemin nervor. Jep fokus dhe energji pa të rritur gjendjen anksioze.
3. Perfekte për lëkurën – Antioksidantët ndihmojnë lëkurën të qëndrojë elastike dhe e pastër.
4. Përmirëson metabolizmin – Duke ndihmuar në djegien e kalorive.
5. Ofron Fokus dhe mirqenie emocional – Kombinimi i L-theaninës me kafetinën ndihmon në qartësi mendore, veçanërisht nëse ke tendenca ndaj ankthit ose ndihesh shpesh e lodhur.

Receta e Matcha Lattes

• 1 lugë · Pluhur Matcha
• 1 lugë · Ujë të valuar
• 1 lugë · mjaltë, pak ekstrakt vanilje, ose shurup sipas dëshirës
• 250ml · Qumësht – preferohet tërshërë ose bajame, por mund të përdorni çfarë të pëlqeni më shumë. Unë preferoj qumështin e sojës.
• Copa Akulli

Si të përgatisni Iced Matcha Latte

🌿Përzjeni pluhurin matcha bashkë me mjaltin/ shurupin me një lugë ujë të nxehtë deri sa të krijoni një masë kremoze.

🌿Vendoseni pastën matcha në ngrirje të ftohet për rreth 15 minuta.

🌿Shtoni akull në gotën me qumësht. Pasi matcha të jetë ftohur, hidheni atë në gotën e qumështit me akull.