Elementi yt astrologjik nuk është thjesht teori. Është energjia që rrezaton, mënyra si të ndiejnë të tjerët para se të të njohin. Zbuloje çfarë thotë për ty.

---

​Këto janë karakteristikat e shenjës tënde:

Shenjat e tokës janë praktike, të qëndrueshme dhe me këmbë në tokë. Ato kanë karakter të fortë. Ndjenja e sigurisë është më e rëndësishmja për to dhe nuk u pëlqen të ndërmarrin rreziqe të panevojshme. Gjithmonë të kujdesshme, mendohen mirë përpara se të marrin vendime. Por nëse e marrin një vendim, nuk ka asgjë dhe asnjeri që mund ti ndalojë!

Nëse i përket kësaj shenje, atëherë ke tendencën të jesh më konservative se të tjerët. Je e përgjegjshme dhe e përkushtuar ndaj familjes, shoqërisë dhe ndaj të gjithë njerëzve më të dashur.
​
Të pëlqen rutina dhe komoditeti. Ushqimi i mirë, rehatia,  apo kënaqësitë e vogla të jetës së përditshme janë shumë të rëndësishme për ty. Shenjat e tokës jetojnë sipas vlerave dhe principeve të tyre, të cilat i kanë shumë të vështirë ti kompromentojnë. 
​

---

Anët Negative: je tepër kokëfortë dhe u reziston ndryshimeve me çdo mënyrë të mundshme.

VIRGJËRESHA (23 gusht – 22 shtator) sundohet nga energjia e planetit Mërkur:

Karakteristikat kryesore të kësaj shenje:

• Analitike dhe mendjemprehtë – Virgjëreshat kanë aftësi të forta për të analizuar situata dhe për të vënë re detaje që të tjerët shpesh i anashkalojnë.
• Perfeksioniste – Kërkojnë përpikmëri në çdo gjë, si në punë ashtu edhe në jetën personale.
• Pragmatike dhe realiste – Janë praktike dhe nuk i japin hapësirë fantazisë kur bëhet fjalë për vendimmarrje.
• Të përkushtuara dhe të përgjegjshme – Merren seriozisht me detyrimet dhe punët që u ngarkohen.
• Diskrete dhe të përmbajtura – Nuk janë dramatike, rrallë flasin shumë për veten dhe janë të kujdesshme me fjalët.
• Kritike, ndonjëherë edhe e tepruar – Kanë prirje të kritikojnë veten dhe të tjerët në përpjekje për përmirësim.
• Të kujdesshme për shëndetin dhe higjienën – Janë zakonisht të organizuara dhe kujdesen për mënyrën e jetesës.

Në aspektin shpirtëror apo intuitiv, Virgjëresha ka ndjeshmëri për energjitë e ambientit dhe të njerëzve, por i përpunon ato në mënyrë logjike dhe të arsyeshme.

---

DEMI (20 prill – 20 maj) sundohet nga energjia e planetit Afërdita

Karakteristikat kryesore të Demit:

• Stabil dhe i qëndrueshëm – Nuk i pëlqen ndryshimi i papritur. Pëlqen ritmin, rregullin dhe sigurinë.
• Këmbëngulës (dhe kokëfortë) – Kur vendos për diçka, është shumë i vështirë për ta ndalur. Ka vullnet të fortë.
• Praktik dhe materialist – Ka lidhje të fortë me botën fizike dhe praktike; vlerëson pasuritë, komoditetin dhe gjithçka që ofron rehati.
• Vlerëson estetikën dhe të bukurën dhe është hedonist – Ka sy për bukurinë, shijen, muzikën dhe ndjesitë fizike. Dashuron ushqimin e mirë, luksin dhe gjithçka që i jep kënaqësi shqisave.
• Besnik dhe i qëndrueshëm në marrëdhënie – Kur lidhet me dikë, nuk e braktis lehtë. Është partner i qëndrueshëm, por kërkon të njëjtën gjë në këmbim.
• I durueshëm, por me një pikë vlimi – Mund të durojë shumë gjatë, por kur e teprojnë me të, shpërthimi është i fuqishëm.

Në sens intuitiv, Demi është më shumë i lidhur me trupin dhe ndjesitë fizike sesa me intuitën shpirtërore, por kur diçka nuk i duket “e drejtë”, e ndjen fizikisht.

---

BRICJAPI (22 dhjetor – 19 janar) sundohet nga energjia e planetit Saturn.

Bricjapi është shenja e strukturës, ngjitjes dhe përmbajtjes. Energjia e tij është serioze, e pjekur dhe e fokusuar në ndërtim afatgjatë – qoftë ky ndërtim i një jete, një pune, apo një karakteri.

Karakteristikat kryesore të Bricjapit:

• Strateg dhe i përmbajtur – Nuk nxiton, nuk flet kot. Ajo vëzhgon, mat, planifikon.
• Fokusuar te suksesi material dhe personal – Synon majat, por me hapa të ngadaltë dhe të sigurt.
• I pjekur që në vegjëli– Edhe kur është i ri në moshë, ka shpirt të vjetër. Nuk ka durim për gjëra të lehta e sipërfaqësore.
• I vetmuar për nga natyra – Rrallë kërkon ndihmë. I mban peshat vetë, edhe kur e rëndojnë shumë.
• I ftohtë nga jashtë, i thellë nga brenda – Shpesh nuk tregon emocione, por e ndjen gjithçka thellë dhe e mban gjithçka brenda.
• Mban përgjegjësi që nuk janë të tijat – Ka prirje të marrë barrë nga të tjerët, si një figurë që i duhet të përmbushë detyra karmike.
• I lidhur me koha – Saturni i jep ndjeshmëri për kalimin e kohës, për përgjegjësitë që vijnë me vitet.