Çdokush nga ne ka një imazh ideal apo një standart bukurie që do të donim ta arrinim me çdo kusht. Rritja e popullaritetit të muzikës dhe serialëve televizivë korean, ka bërë që shumë vajza të dashurojnë stilin e tyre të veçantë të grimit, modës si dhe tendencat K-Pop.

Ne ju tregojmë si të arrini look-un e ëmbël tipik korean.

Për makiazhin korean, ju duhen disa produkte tipike të kujdesit ndaj lëkurës, duke nisur me kremin e hidratimit, primer, një fondatinë të lëngshme si kremi BB si dhe pudër për fytyrën.

Disa produkte kozmetike janë pak të vështira për tu gjetur në dyqane kozmetike, ndaj duhet të kërkosh në dyqane tipike aziatike. I tillë është peneli i ashtuquajtur “locioni lotit” i cili është një shkëlqyes i lëngshëm me xixa.

1. Fillo me rutinën e pastrimit të fytyrës

Vajzat aziatike i kushtojnë shëndetit të lëkurës shumë më tepër vëmendje sesa makiazhit.

Për çdo papastërti duhet ti drejtohesh dermatologut dhe të marrësh trajtimin e duhur.

Rutina tradicionale koreane e kujdesit ndaj lëkurës është shumë e vlefshme për të pasur një lëkurë sa më të bukur, por nuk mjafton nëse ke probleme të rënda me lëkurën, infeksione, alergji, apo akne.

2. Vendos PRIMERIN

Vendos kremin hidratues, kremin për mbrojtjen e fytyrës nga dielli dhe prajmerin. Në Kore preferohet kremi BB në vend të fondatintës së zakonshme.

3. mbaj qerpikë fallco

Në vendet aziatike qerpikët fallco janë shumë të përdorur, por janë aq natyralë saqë nuk të shkon kurrë mendja se janë fallco. Kjo e bën stilin korean akoma më të veçantë.  

4. Ndrysho formën e vetullave

Në grimin korean, preferohen vetullat e drejta dhe pak të trasha. 

Në fund vendosni pudrën anti-sebum, e cila redukton yndyrën e tepruar në fytyrë.

5. Përdor ngjyra të çelta

Përgjithësisht preferohen tonet e ëmbla, si nuanca të ndryshme rozë, portokalli dhe bezhë. Tonet e syve janë kryesisht me shkëlqim të theksuar dhe vendoset mbi qëpallë, por edhe poshtë syve.

6. Vendos eyeliner

Linja duhet të jetë sa më e hollë dhe jo e ekzagjeruar. Zakonisht preferohet ngjyra kafe ose kafe e errët, por edhe e zeza përdoret shpesh.

7. Vendos “Tear Drop”

Ky është një penel korean, në ngjyrë të çelët, i cili vendoset në cepat e brendshëm të syve ose tek qerpikët e poshtëm. Ai krijon një efekt shumë të bukur dhe shumë të veçantë, duke nxjerrë sytë në pah. Në mungesë të tij, përdor laps të bardhë me shkëlqim.