Rituali “Unë jam e lumtur kështu siç jam” është një afirmim i vetëpranimit dhe dashurisë për veten- pa kushte. Përdore këtë ritual për të forcuar vetëbesimin, vetëvlerësimin dhe për të kultivuar një ndjenjë paqeje me vetveten.

Ky afirmim ndihmon në:

• Reduktimin e vetëkritikës
• Ndërtimin e vetëbesimit
• Kultivimin e vetëdashurisë
• Përqafimin e autenticitetit personal

Në një botë që shpesh na nxit të jemi dikush tjetër, ky ritual të kthen te e vërteta e brendshme: Ti je e mirë ashtu siç je❤️

Çfarë të duhet:

• Një qiri bezhë dhe një jeshil
• Një objekt natyror: gur, kristal (sidomos kuarci rozë, aventurin jeshil, ose esmerald)
• Një gotë ujë dhe një ushqim të preferuar (idealisht diçka natyrale)
• Një batanije e butë, pak muzikë të qetë

---

Hapat:

1. Krijo hapësirën tënde të shenjtë

• Ndiz qirinjtë
• Vendos të gjitha objektet e ritualit në një mënyrë të bukur dhe me dashuri

2. Ulu dhe merr frymë thellë

• Vendos duart mbi bark
• Merr 3 frymëmarrje të plota dhe thuaj me zë të lartë 3 herë:

“Unë e lejoj veten të ndiej qetësi të plotë. Më mjafton të jem unë kështu siç jam”

3. Shkruaj dhe medito për këto pyetje:

• Çfarë më jep ndjesinë e sigurisë?
• Me çfarë e ushqej trupin dhe zemrën time?
• Çfarë e bëj nga frika e humbjes?
• Ku mund të gjej më shumë kënaqësi në jetën time?

4. Rituali i mirënjohjes së trupit

• Prek trupin tënd me butësi – fytyrën, flokët, duart
• Thuaj me zë të lartë:

“Falënderoj trupit tim që më mban gjallë çdo ditë. Faleminderit për gjithçka që kam. Sot ndalem së nxituari. Marr frymë. Më mjafton kaq.”

5. Ha diçka me vetëdije të plotë

• Mund të jetë një çokollatë e zezë, një frut, një copë buke, çfarëdo që e ndien si të “shtrenjtë” dhe të shijshme.
• Shijoje ngadalë dhe thuaj:

“Unë meritoj të jem e kënaqur. Nuk kam nevojë të lodhem, as të mundohem”

6. Uji i mirënjohjes

• Pije ujin me mendimin që po pastrohesh nga stresi dhe trupi yt po ushqehet me dashuri

---

• Rri në heshtje. Mbështillu me diçka të butë.
• Shko në shtrat me një ndjenjë mirënjohjeje dhe pranimi të vetes

Si ta përdorësh këtë ritual gjatë ditës:

Ja disa mënyra për ta përfshirë këtë ritual në përditshmëri:

Rituali i mëngjesit:

• Thuaje me zë të lartë sapo zgjohesh:
  “Unë jam e lumtur kështu siç jam.”
• Përsërite 3-5 herë para pasqyrës.
• Përdor serume me vitaminë c për ti dhënë më shumë shkëlqim fytyrës.
• Vendos parum posaçërisht për flokët (unë preferoj vanilje)

Shkruaj në ditar:

• Shkruaje këtë afirmim çdo ditë në një ditar, ndoshta duke shtuar edhe arsye përse ndihesh mirë me veten.

Meditim me afirmime:

• Ndërsa mediton, përsërite në mendje këtë frazë, duke u fokusuar në ndjesinë e pranimit dhe qetësisë që sjell.

Mbaje si Kujtesë gjatë ditës:

• Vendose si sfond telefoni apo si shënim në vendet që i sheh shpesh (kompjuteri, frigoriferi, etj.)